KA JINGDUWAI STEP
Nga ai nguh ia phi a Blei;
Na ka bynta ka jingiohthiah ka ba jarjar,
Bad na ka bynta ba phi la ri la da la ker ia nga.
Kyrkhu ia nga lyngba kine ki sngi baroh shi sngi,
Bad pyllait ruh ia ngi na ki jingma jing mynsaw ba ker sawdong ia ngi.
Ai ban ngin ieit ngin leh sbun ia ki para briew;
Bad burom ruh ia ki para jingthaw baroh,
Ai ha nga ka dohnud ka ba jemnud,
Bad long ma phi U nong ialam barabor ia nga.
N.Pasah
Ka Jingduwai Ban iaid ia ka lynti ka mon U Blei
A Blei pynlong ia nga u briew u ba im hok ba im shisha hala ka rta;
Hikai ia nga ba ka long ka pop ha ka ban lum spah khlem trei shitom,
Wat ai ha nga ia ka jinglehkmen ka ba khlem ka jingiatiplem;
Bad kumjuh ka jingstad ka bym don akor pat.
Lada ha ka ka khaii pateng wat shah ba ngan kamai khlem don ka jingsngew ia kiwei pat;
Lada beh ia ka jingstad saian pat ai ba ngan buh ia u briew ha khmat eh.
Ai ba ngan pynkhraw ia ka jing ainguh ha phi da kaba len ialade bad leh ia ki kam ba bha
Pynlong ia nga uba iengskhem hala ka jong ka nongrim.
La pynwan dur na ki kyntien u M.K.Gandhi.
KA JING DUWAI IA KI BA PANG HA HOSPITAL
A Blei ngi pynkyntang ia ka ne ka por kaba kordor ba phin ia don lang bad ki mynsiem jongngi ha ka jingduwai.
Ngi ai nguh ia phi na ka bynta kane ka lad ba phi la ai ba ine I hymen I para jong ngi ba in ioh ka jingsumar ka ba biang, iarap ma phi A Blei ia ki nong sumar ba kin ioh ia ka jingstad bad ka jingshemphang bad pynkoid ia ka jingpang jong i.
Iarap A Blei ha ki dawai dashin ba kin rung bad pyniap ia ki khniang jingpang ki ba pynshitom ia ka met.
Kyrkhu lang ia ki ba ha ing hasem jong ine I hymen I parajong ngi I bad ai bor ai mynsiem ia i.
Kyrkhu ia ki kmie ki kpa, kikhun ki kti, ka lok, ulok,ki ba ai ka jingsumar ka ba biang Iarap bad ai mynsiem ia ki ruh kumjuh.
Ai bor ai mynsiem ia ine I hymen I para I jong ngi ba in lah ban ia leh pyrshah ia ki jingshitom ka ba wan ban ha ka met jong i.
Kyrkhu ia ki ne ki jingduwai kyrpad jong ngi ha kane ka por bad kyrkhu ia ki mynsiem ba ia duwai lang hangne mynta AMEN.
KA JING DUWAI HA SHWA BAN THEP SYNDUK IA KIBA IAP
Ai nguh ia phi A Blei ba phi la long lem long ryngkat bad kine ki para bangeit ki ba ia kynduh ia ka ne ka jingjia kat ha duh ka ne ka khyllipmat ban pyndep noh ia ka jingleh niam ka ba khadduh na ka bynta jong I ba haing jong ki.
Ngi ai nguh naka bynta ka jing iai don ryngkat jong phi lyngba kine ki sngi kiba pynshong sngi ia ka met jongi.
Mynta A Blei la ngi thep synduk ia ka met jong ine iba la khladnohka ba long ka dak ka ba ngin sdang ia ka jingai khublei ba khadduh ia ka met ka ba pyut. Ngi duwai to long lem long ryngkat lyngba baroh ki jingleh niam ba khadduh na ka bynta jong i.
Kyrkhu ia ki jingduwai jing phirat, ki jing ia syllokban ai bor ai mynsiem, ki jingkren bad ki jinglehniamleh rukom baroh ka wei.
Aibor ai mynsiem ia ki ba haing hasem bad ki ba don jingiadei baroh ba kin lah ban ia shim bynta bad pyndep ia ka ne ka jingle niam ka ba khadduh.
Ai bor ai mynsiem ia ki nong pyndep ia ka niam ka rukom.
Bad kyrkhu iangi ia ki bynta ba dangsah jong kane ka sngi bad junom la junom
AMEN.
KA JINGDUWAI SHWA BAN IAID LYNTI
Ai mynta ba ngin sdang ia ka jingiaid lynti ka jong ngi,kyrkhu ia ngi ha ki lynti iaid lynti ieng jong ngi.
Pynlait ia ngi na ki jingma jingmynsaw baroh bad ri sumar ia ngi ban ngin poi suk poi sain ha ki jaka ba ngi la thmu.AMEN.
KA JINGDUWAI IA KI NONG NIAH KALI
Kumne A Trai shwa ba ngan niah ia ka ne ka kali, Nga duwai ba phin don ryngkat bad nga.Iarap ia nga ba ngan long adkar bad don akor ha ka jingniah jongnga ia kane ka kali. Ri sumar maphi ha ka jingiaid lynti baroh kawei.
Pynlait ia ngi na ki jingpynshoi ha lynti bad pynkynmaw ia nga ba ka jingim jongnga bad ka jingim jong ki ba shong ha ka kali ka shong ha ha ki kti jong nga. Ai ka jingmut ka ba shai bad longlem, bad ki kti ki kjat jong nga bad pyllait na ki jia ki ba sngewsih baroh.
AMEN.
KA JINGDUWAI PYNKHREH
Hashwa ba ngan sdang ia ka jingialeh,
Kyrkhu A Blei ia kiei kiei ki ba nga pynkhreh,
Pynduh pyndam ia ka jingrit mynsiem bad jing khynnioh.
Ai ha nga ia ka jingshlur bad jingskhem mynsiem.
Ai ha nga ia ka jingmut ka bashai bad ka ba beit.
Irap A Blei ia nga ba ngan lah ban shut ia la ki jong ki jingmut bad nang pynnep ia ka jabieng jong nga ban pyndep iala ka jong ka kam.
Kyrkhu ia kijingangnud jong nga bad iarap ia ki jingthmu jong nga kin long ki ba jop, AMEN
KA JINGDUWAI NA KA BYNTA KI NONGPANG
Ainguh iaphi A Blei na ka bynta kane ka jingia syllok mynsiem ba ngi la ioh mynta. Pynkyntang ma phi A Blei ia kane ka por mynta.
Kumne A Blei ngi ieng sawdong ka jingthiah jong U/Kane ka parabangeit ban thain la ki kti ha ki jingduwai ba phin aibor ai mynsiem ia u/kane ka parabangeit jongngi ba kan lah ban ialeh pyrshah ia ki jingpang ka ba wan ktah ha ka met jong u/ka.
Kyrkhu ia ki kti jong ki nongsumar ki ba shakri ban pynkoit ia u/kane ka parabangeit jong ngi. Kyrkhu ia kiba haing hasem ki ba ai jingkyrshan kaba pura ba un ioh biang ia ka met ka bakoit bakhiah.
Kyrkhu ia ki dawai dashin ba kin long ka ding ban thang ia ki khniang jingpang ki ba pynshitom ia ka met batlot. Ai ba kin long ruh ki um ba shngiam kiban ai bor ai mynsiem ia U/Kane ka parabangeit.
Iarap ABlei ba ka jingialumlang jongki mynsiem jongngi mynta kan long ka borbah bor bashlei ban pynshaitbor ia U/Ka parabangeit jongngi naduh mynta sha ki bym kut shuh Amen.
No comments:
Post a Comment